کرنې وزارت وايي، چې روان کال په هېواد کې د چرګانو د روزنې ۱۹سوه غیرفعال فارمونه بیا فعال شوي دي.
د سرچینې په خبره، په یادو ۱۹سوه فارمونو کې لوی او واړه فارمونه شامل دي، چې واړه فارمونه یې د کرنې وزارت د مالدارۍ لوی ریاست په تخنیکي مشورې او مرستې د خصوصي سکټور له لارې او لوی فارمونه یې د کرنې وزارت په همغږۍ د امریکا د نړیوالې پراختیایي ادارې د ځنځیري ارزښت پروژېله خوا د ۷۰ سلنه لګښت په ورکولو سره بیا فعال شوي دي.
کرنې وزارت وايي، چې په افغانستان کې د چرګانو روزنې فارمونه جوړول لویه لاسته رواړنه ده، چې د کارموندنې، اقتصادي پیاوړتیا، ځان بساینې او د اقتصادي ودې او پرمختیا لامل کېږي
د یاد وزارت چارواکي وايي چې دوی د چرګانو روزنې د فارمونو او د چرګانو د غوښو او هګیو د تولیداتو د ډېرولو ترڅنګ د فارمي چرګانو روغتیایې برخې ته هم پاملرنه کړې ده.
