د لوګر ولایت ځایي چارواکي وایي، چې د محمدآغې ولسوالۍ د صنعتي پارک تفصیلي پلان چمتو شوی او د یاد پلان له مخې به لسګونو تولیدي شرکتونو ته ځمکه ووېشل شي. سرچینې ویلي، چې تمه کېږي تر ۸۵ زیات شرکتونه به په کې فعالیتونه پیل کړي. یاد صنعتي پارک شاوخوا ۵۰۰ جریبه ځمکه لري، چې فابریکو او تولیدي تاسیساتو ته ځانګړې شوې ده. د ځايي چارواکو په خبره دغه پارک به په اقتصادي وده کې مهم رول ولري او د سیمې خلکو ته به د زرګونو کاري فرصتونو زمینه برابره کړي.
