ورنیو چارو وزارت هم پېښه تایید کړې ده او په خبره یې د بلخ ولایت د بلخ ولسوالۍ حیواني کلنیک ته څېرمه چاودنه شوې ده. بلخوا د بلخ ولسوالۍ ولسوال ګل بازخان ناصري بیا وایي چې په سیمه کې د ملي اردو یوې پوستې ته نږدې یاد ځانمرګی برید شوی دی. د بلخ ولایت امنیه قومنداني وایي چې موټر بم برید په بلخ ولسوالۍ کې د کمانډو ځواکونو د یوې قرارګاه پر پوستې شوی دی، خو د تلفاتو په اړه یې معلومات نه دي ورکړي. له سیمې خپرې شوې ویډيوګانې او انځورونه ښيي چې چاودنې ډېره وراني پېښه کړې ده او شاوخوا ودانۍ یې زیانمنې کړې دي. په دې اړه نور جزیات وروسته وړاندې کېږي.
