په پروان کې راوتلو سیلابونو ۸۵ کسانو ته مرګ ژوبله اړولې ده

د پروان ولایت ځايي چارواکي وايي چې تېره شپه شاوخوا ۳ بجې په مرکز چاریکار کې سیلابونه راوتلي دي او د ځاني زیانونو تر څنګ یې درانه مالي زیانونه هم اړولي دي. د سرچینې په خبره د سیلابونو له امله تر دې دمه د ۲۵ کسانو د وژل کېدو او تر ۶۰ پورې د ټپي کېدو راپورونه تایید شوي دي. ځايي چارواکي وایي چې د سیلابونو له امله لسګونه هټۍ، کورونه او موټرونه ویجاړ شوي دي او خلک سخت زیانمن شوي دي. دوی له مرکزي حکومت د بېړنۍ مرستې غوښتنه کوي. په وژل شوو کې ښځې او ماشومان هم شامل دي.