حامد کرزي؛ د مصالحې شورا تشکیل په اړه د عبدالله له پرېکړې هرکلی کړی

د هېواد پخواني ولسمشر حامد کرزي د ملي مصالحې د عالي شورا تشکیل په اړه د یادې شورا د رییس عبدالله عبدالله له وروستۍ پرېکړې هرکلی کړی دی. د کرزي د مطبوعاتي دفتر د معلوماتو له مخې، د یادې شورا د غړو انتخاب برخه کې له سیاسي رهبرانو، د ملي شورا له رییسانو، قومي مخورو، دیني عالمانو، مدني ټولنې او نورو اقشارو سره مشوره اړینه ده او په توګه رامنځته کېدونکي شورا به له ډېر اعتباره برخمنه او پرېکړې به یې د افغانستان د ټولو وګړو لپاره د منلو وړ وي. د یادونې ده چې ولسمشرۍ ماڼۍ د ملي مصالحې عالي شورا تشکیل اعلان کړ خو عبدالله د یادې شورا د غړو انتخاب خپل مسوولیت وباله او زیاته یې کړه چې په دې برخه کې د ولسمشرۍ ماڼۍ فرمان ته اړتیا نه شته. عبدالله ویلي وو چې دوی په دې برخه کې د ټولنې له بیلو اقشارو سره سلا مشورې پیل کړې او د وروستي کېدو په حال کې دي.