د افغانستان د صنعت او سوداګرۍ وزارت وايي، د افغانستان صادرات د تېر کال د شپږو میاشتو په پرتله ۲۸ سلنه کم شوي دي. ددې وزارت ویاند جواد دبیر وايي چې د افغانستان صادرات د کرونا وبا د خپرېدو له امله کم شوي و. هغه زیاته کړې چې په شپږو میاشتو کې غالۍ، مرمر ډبرې، د ډبرو سکاره او وچه مېوه په کمه کچه صادر شوي و، خو د وخت په تېرېدو سره صادرات عادي حالت ته ګرځېدلي دي. نوموړي زیاته کړې، په یاده موده کې د افغانستان واردات هم ۲۳ سلنه کم شوي و، خو په خبره یې اوس د افغانستان صادرات او واردات عادي حالت ته ګرځېدلي دي.
- Trending
- Comments
- ورستی
