د ملي پخلاینې عالي شورا رییس ډاکټر عبدالله عبدالله، د بهرنیو چارو سرپرست وزیر محمد حنیف اتمر او د افغان حکومت د مذاکراتي ټیم نور غړي د بین الافغاني خبرو لپاره قطر ته روان شول. عبدالله قطر ته له سفر مخکې، د حامد کرزي په نړیوال هوایي ډګر کې له رسنیو سره په خبرو کې د بین الافغاني خبرو پیل یو تاریخي فرصت ګڼلی او هیله يې څرګنده کړې چې دغه خبرې به روانه جګړه پای ته ورسوي او دا به د یو لوی بدلون پيل وي. نوموړي زیاته کړه، چې موجودې ستونزې او ننګونې باید له پامه و نه غورځول شي، خو باید دواړه لوري دې پایلې ته رسېدلې وي چې له خبرو پرته بله لار نشته.
