د پکتیکا ولایت د اوبو او انرژۍ ریاست مسوولینو ویلي، چې په دغه ولایت کې د ۶ میلیونه افغانیو په لګښت د یوه استنادي دیوال او یوه سربند د جوړولو چارې بشپړې شوې دي. د مسوولینو په خبره د ملګرو ملتونو د پرمختیایي پروګرام (یو این ډي پي) په مالي ملاتړ دا پروژې د خیرکوټ ولسوالۍ د سیکاني سیمې او د سرروضې ولسوالۍ د سره پانګه په سیمه کې بشپړې شوې دي. د یاد ولایت د اوبو او انرژۍ ریاست دمسوولین وایي، استنادي دیوال چې په خیرکوټ ولسوالۍ کې جوړ شوی، د ۵۰ جریبه ځمکې ساتنه د سېلاب له خطر څخه کوي، او د سرروضې په سیمه کې جوړ شوی سربند د ۵۰ جریبه ځمکې د خړوبولو وړتيا لري.
