د چين دولت رئيس شي جين پنګ د فبرورۍ په لسمه نېټه د ناميبيا د بسنټ ايښودونکي ولسمشر ساميول نوجوما د مړینې په مناسبت د دغه هېواد ولسمشر نانګولو مبومبا ته د تسليت پيغام ليلږلی.
هغه په دې پيغام کې د چين د حکومت او خلکو په استازيتوب د نوجوما د مړينې په اړه خواشيني او د نوموړي خپلوانو او د ناميبيا حکومت او خلکو ته تسلیت ویلی دی.
شي جين پينګ په دغه پيغام کې ليکلی، چې پخوانی ولسمشر نوجوما د افريقا سابقه دار سياستوال او انقلابي شخص و او د ناميبيا د ملي خپلواکۍ او ازادۍ ترلاسه کولو او د پرمختيايي لارې د موندلو په لاره کې د ناميبيايانو مشري او لارښوونه کړې.
شي جين پينګ زياته کړې، چې د چين حکومت او خلک د چين او ناميبيا ترمنځ عنعنوي دوستۍ ته په درنه سترګه ګوري او باور لري، چې د دواړو هېوادونو ترمنځ ستراتيژيکه ملګرتيا به لا پياوړې شي.