د چين او بنګله دېش ترمنځ د ډيپلوماتيکو اړيکو د ټينګېدو د پنځوسمې کليزې په مناسبت، د چين مېډيا ګروپ د دغه هېواد د لنډمهاله حکومت له مشر او ستر سلاکار يونس سره ځانګړې مرکه وکړه.
ښاغلي يونس وويل چې اوس مهال د چين او بنګله دېش ترمنځ دوه اړخيزې اړيکې په تاريخي لحاظ لوړې کچې ته رسېدلې دي. چین نه یوازې د باور وړ ملګری دی، بلکې د عصري کولو په برخه کې د ټولو هېوادونو، په ځانګړي ډول د پرمختيايي هېوادونو لپاره ښه ماډل دی. چین کولی شي د بنګله دېش د اقتصادي جوړښت د بدلون په هڅولو کې مهم رول ولوبوي. د بنګله دېش خلک کولی شي د چین د صنعتي لېږد یوه برخه په غاړه واخلي او د چین د عالي رتبه صنعتونو او ټېکنالوژیو د پراختیا لپاره ملاتړي صنعتونه رامنځته کړي.
اوس مهال، نږدې زر چینایي شرکتونه په بنګله دېش کې سوداګري کوي، چې له ۵۵۰ زرو څخه ډېرې دندې يې برابر کړې دي. سربېره پر دې، چین د ۱۵ پرله پسې کلونو لپاره د بنګله دېش تر نورو لوی سوداګریز شریک ګرځېدلی او اوس دواړو هېوادونو موافقه کړې چې د ازادې سوداګرۍ تړون په اړه به خبرې اترې وکړي.
