پکتیا کې د ۶۰ سړو خونو د جوړولو چارې پیل شوې

د پکتیا ولایت د کرنې، اوبو لګولو او مالدارۍ ریاست مسوولینو ویلي، چې د ملګرو ملتونو د کرنې او خوړو ادارې په مالي ملاتړ د ۴۷ میلیونه افغانیو په لګښت د ۶۰ سړو خونو د جوړولو چارې پیل شوې دي. د یاد ریاست رئیس مولوي سید امین هاشمي رسنیو ته ویلي، چې ۳۰ سړې خونې د ممیزو وچولو او ۳۰ نورې د پیازو او کچالو د ساتنې لپاره په مرکز ګردیز، روحاني بابا او زرمت ولسوالیو کې جوړېږي. د هاشمي په خبره، دغه پروژې به د سیمې د بزګرانو د حاصلاتو د خوندي ساتنې لپاره اسانتیاوې رامنځته کړي. په ورته وخت کې، د سیمې یو شمېر بزګرانو هم د دغو سړو خونو د جوړېدو چارو د پیل هرکلی کړی دی.