د ایران د کورنیو چارو وزیر سکندر مومني ویلي، چې دا مهال شاوخوا دوه میلیونه ناقانونه بهرني وګړي په ایران کې ژوند کوي. نوموړي، سره له دې چې د افغانستان او ایران ترمنځ د فرهنګي او تاریخي اړیکو یادونه کړې، ټینګار کړی چې هېواد یې د دومره زیاتو مېلمنو د منلو وړتیا نه لري او د ناقانونه کډوالو بېرته ستنول یې له جدي لومړیتوبونو څخه دي. د ایران د بهرنیو وګړو او کډوالو مرکز د معلوماتو له مخې اوسمهال شاوخوا شپږ میلیون بهرني وګړي په قانوني او ناقانونه توګه په ایران کې اوسېږي چې ډېری یې افغانان دي.
- Trending
- Comments
- ورستی
