پکتیا؛ سلګونه ځوانانو ته د وړیا او نیمه وړیا زده کړو زمینه برابره شوې

د پکتیا ولایت د اطلاعاتو او کلتور ریاست د ځوانانو چارو آمریت او د طبي علومو د یوه انسټیټیوټ ترمنځ د هوکړې له مخې د یاد ولایت په مرکز ګردېز کې ۶۵۰ ځوانانو ته د وړیا او نیمه‌وړیا زده‌کړو زمینه برابره شوې. په دې اړه جوړه شوې غونډې کې د اطلاعاتو او کلتور رییس مولوي ثواب جان اسلامیار ویلي، چې دوی تل هڅه کوي ترڅو ځوانانو ته د لوړو او نیمه لوړو زده کړو په مؤسسو کې د زده کړو زمینه برابره کړي.  ورته مهال د اطلاعاتو او کلتور وزارت د ځوانانو چارو معین مولوي محمد یونس راشد په یاده غونډه کې ویلي، چې ا.ا غواړي ځوانانو ته اسلامي او ملي روزنه ورکړي او دوی ته کاري فرصتونه برابر کړي.