په دې درشل کې چې د چین دولت رئیس شي جين پينګ به د چین- منځنۍ اسیا په دوهمه سرمشریزه کې د ګډون لپاره قزاقستان ته لاړ شي، د چین مېډیا ګروپ د غوره پروګرامونو د خپرولو فعالیت د قزاقستان په پلازمېنه استانه کې پيل شو.
((له کلتور او هنر سره د شي جين پينګ مینې)) او ((د چیني شکله عصري کېدو لاره)) په شمول ۱۲ غوره پروګرامونه د قزاقستان، قرغزستان، تاجکستان، ترکمنستان، ازبکستان په دولتي ټلویزیونونو کې په ترتیب سره خپرېږي.
د چین کمونېست ګوند د مرکزي کمېټې د نشراتي ادارې مرستیال او د چین مېډیا ګروپ مشر شن های شيونګ، په قزاقستان کې د چین سفیر هان چون لین او د قرغزستان، تاجکستان، ترکمنستان او ازبکستان د رسنیو مسئولانو او استازو یاد فعالیت ته ویډیويي خبرې هم وکړې.
