چين د جون په ۱۶مه نېټه د تېرې مې میاشتې د اقتصادي حالاتو په اړه مالومات خپاره کړي، چې د نړۍ د رسنيو پاملرنه یې راجلب کړې ده.
د جاپان د پناسونيک (Panasonic) شرکت مرستيال لوی مدير او په چين کې د دغه شرکت د ختيځې او شمالي اسيا د چارو عمومي استازي تيتسورو هوما له سي اېم جي سره په خبرو کې ويلي، چې چين په لویې پيمانې مصرفي بازار کې ښه فعالیت لري او د مصرف کوونکو د توکو د اخيستلو وړتيا او لېوالتيا يې مخ په زياتېدو ده.
نوموړي ويلي، د چين لوی بازار او لګښت د پناسونيک د توليداتو د پلور لپاره هم ښه زمينه برابره کړې ده.
شمېرې ښيي، په تېرې مې مياشت کې د چين د مصرفي توکو د پلور عمومي ارزښت ۴۱۳۲ ميليارډه او ۶۰۰ ميليونو يوانو ته رسېدلی، چې دغه رقم د تېر کال د همدې مودې په پرتله په سلو کې شپږ اعشاريه څلور زياتوالی ښيي او د دې ترڅنګ په همدې مياشتې کې د چين د لويو صنايعو د زياتوالي ارزښت د تېر کال د ورته مودې په پرتله په سلو کې پنځه اعشاريه اته زيات شوی دی. سربېره پردې په همدې مياشت کې د چين د مالونو د صادراتو او وارداتو عمومي ارزښت ۳۸۰۹ ميليارډه او ۸۰۰ ميليونه يوانه ښودل شوی، چې دغه شمېر د تېر کال د همدې مودې په پرتله په سلو کې دوه اعشاريه اووه زياتوالی ښيي. په دې جملې کې يې صادراتي ارزښت ۲۲۷۶ ميليارډه او ۷۰۰ ميليونه يوانه ښودل شوی، چې دغه رقم بیا د تېر کال د همدې مودې په پرتله په سلو کې شپږ اعشاریه درې زياتوالی ښيي.
د نړۍ عامه افکارو د چين د اقتصاد مثبته ارزونه کړې ده.
د چين د مصرفي توکو د پلور د عمومي ارزښت پرمختیایي انډول په تېرو ۱۷ مياشتو کې ډېره چټکتيا موندلې، بهرنۍ سوداګري یې انعطاف پذيره ښکاري او کليدي شاخص يې له اټکل څخه پورته ښودل شوی دی.
والسټريټ او ځينو نورو نړيوالو خبري رسنيو د امريکا د تعرفو د خنډونو پر وړاندې د چين اقتصادي پرمختيا له اټکل څخه پورته بللې ده.
د چين د اقتصاد پرمختیایي وضعیت ته په کتو د پاملرنې ټکي
د چين اقتصادي وضعيت ثابت روان دی. د يوه هېواد د اقتصاد ثابت حالت د توليدي اړتياوو د ګراف په بدلون او د استخدام او د توليداتو په بيو پسې تړاو لري.
لویو ګرافونو ته په کتو، د روان کال په لومړیو ۵ مياشتو کې د چین د خدماتي چارو توليدي ګراف او د مصرفي توکو د پلور عمومي ارزښت په جلا جلا توګه د تېر کال د همدې مودې په پرتله په سلو کې پنځه اعشاريه نهه او په سلو کې پنځه زياتوالی موندلی دی.
په تېرې مې مياشت کې د چين په ښارګوټو او علاقه داريو کې د وزګارتيا کچه په سلو کې پنځه ښودل شوې، چې دغه رقم د اپرېل په پرتله ټيټ شوی او د سي پي ايي(CPI) د زياتوالي انډول يې د تېر اپرېل په پرتله لږ څه لوړوالی شوی دی او دا د دې ښکارندويي کوي، چې په چين کې بازاري عرضه او تقاضا ثابته ده. دغه ګرافونه د چین د اقتصاد د ثابت حالت ښکارندويي کوي.
د چین اقتصاد باکيفيته پرمختګ موندلی او يادې ځانګړتیاوې يې ښکاره کړې دي.
په تېرې مې میاشت کې د چین د لويو تجهيزاتو د توليدي چارو د زیاتوالي ارزښت په سلو کې نهه زیات شوی او د صنعتي توليد خدمتي انډول يې په سلو کې ۵۴ اعشاريه ۳ ته رسېدلی دی او په همدې مياشتې کې د نوې انرژۍ د موټرونو او د سولري بېټريو توليدي اندازه يې په جلا جلا توګه په سلو کې ۳۱ اعشاريه ۷ او په سلو کې ۲۷ اعشاريه ۸ زياتوالی موندلی دی.
د چين د عصري تجهيزاتو توليدي چارو، ډيجيټلي اقتصاد او د نوې انرژۍ پرمختګ د دغه هېواد د صنعتي جوړښت بدلېدو ته حياتي ځواک ورکړی دی.
دلته د پاملرنې وړ ټکی دا دی، چې د چین بهرنۍ سوداګرۍ په تېرې مې میاشت کې له بهرنيو فشارونو سره سره پرمختګ موندلی، چې دا د چين د اقتصاد انعطاف پذيري ښيي.
سوداګريزو همکاريو ته په کتو، د چین او امريکا ترمنځ سوداګريز ارزښت لږ څه ټيټ شوی، خو د چين او اسيان، د چین او د کمربند او لارې پر غاړه د پرتو هېوادونو ترمنځ صادراتي او وارداتي ارزښت پر له پسې زياتوالی موندلی دی.
د روان کال په لومړيو پنځو مياشتو کې د چين د ماشينونو او الکترونيکي توليداتو د صادراتو پرمختیایي انډول په سلو کې نهه اعشاريه درې ډېروالی راغلی، چې د نړيوالو رسنيو پاملرنه یې راجلب کړې ده. په همدې مودې کې، د چين د ماشينونو او الکترونيکو توکو وارداتي ارزښت د تېر کال د همدې مودې په پرتله په سلو کې شپږ زياتوالی موندلی دی. دا د دې ښکارندويي کوي، چې چین د اقتصادي جوړښت د بدلېدو په جريان کې خپلې کورنۍ اړتياوې پوره کولی شي او لوی بازار يې د نړۍ لپاره يو ستر فرصت دی.
که څه هم د چين اقتصادي پرمختګ له ډېرو ستونزو سره مخ دی، خو دولت يې ورته ډېره پاملرنه کوي او پرمختګ به یې نه يوازې د دغه هېواد، بلکې د نړۍ لپاره هم ډېر فرصتونه برابر کړي.
