په لوګر ولایت کې د فوټسال فدراسیون په همکارۍ د دغه ولایت په څرخ ولسوالي کې د ۳۰ غوره لوبډلو ترمنځ د فوتسال سیالي پای ته ورسېدې. د لوګر د بدني روزنې او ورزش امریت امر انجینیر مزمل نعیمزي ویلي، د فوټسال دغه سیالي د ولایت په کچه د ۳۰ غوره لوبډلو ترمنځ د څرخ ولسوالي کې جوړې شوې چې یوه اونۍ یې دوام وکړ. نوموړي ویلي، د یادو سیالیو پای لوبې ته د لوګر د خورشید نوشهر او سیدانو لوبډلو لاره موندلې وه چې خورشید نوشهر لوبډلې وکولی شول خپلې سیالې لوبډلې ته ماته وکړي او اتلولي په خپل نوم کړي. نعیم زي زیاته کړه، د یادې سیالۍ له جوړیدو څخه موخه لوګر ولایت کې فوتسال ورزش ته وده ورکول، د ورزشکارانو ترمنځ د تجربو شریکول او همغږۍ رامنځته کول وو.
