جې ډي وېنس: ستونزمنه ده چې د اوکراین د سولې هوکړه به دواړه لوري راضي کړي

د امریکا د ولسمشر مرستیال له فاکس نیوز سره په تازه مرکهکې د اوکراین د سولې د خبرو په اړه ویلي، ډېره شونې نه ده چې ترلاسه شوې هوکړه به دواړه لوري په یوه وخت کې راضي کړي. جې دي وېنس وایي، ښايي مسکو او کییف دواړه له هوکړې ناخوښ وي، خو له دې سره سره یې زیاته کړه، چې امریکا د داسې هوکړې په لټه کې ده چې دواړه لوري یې ومني. نوموړي زیاته کړه، چې امریکا د پوتین، زېلېنسکي او ټرمپ ترمنځ د خبرو اترو د ترسره کولو پلان لري، خو ګومان نه کوي چې پوتین به له ټرمپ سره تر لیدو وړاندې له زېلېنسکي سره وویني او دا به ګټور وي. ټاکل شوې ده، چې د امریکا ولسمشر ډونالډ ټرمپ د روانې اګست میاشتې په ۱۵مه د روسیې له ولسمشر ولادیمیر پوتین سره د اوکراین د سولې په اړه د الاسکا په ایالت کې وګوري.