په ملګرو ملتونو کې د چین دایمي استازي فو څونګ د اګست په ۱۰ مه نېټه د فلسطین او اسراییل د مسئلې په اړه د ملګرو ملتونو د امنیت شورا د بېړنې او علني غونډې په ترڅ کې ټینګار وکړ چې د غزې د اشغال لپاره د اسراییلو له هڅو سره دې قاطع مخالفت وشي.
فو څونګ وویل، د اوسني بیړني وضعیت پر وړاندې، د ملګرو ملتونو د امنیت شورا په شمول نړیواله ټولنه باید د لا ستر ناورین د رامنځته کېدو د مخنیوي لپاره ټول اړین ګامونه واخلي.
د یادونې ده چې په دې وروستیو کې د اسراییلو امنیتي کابینې د غزې ښار د نیولو پلان تصویب کړی دی. چین پر دې ژوره اندېښنه څرګنده کړې او له اسراییلو څخه يې غوښتي چې سمدستي له دې خطرناکو کړنو لاس واخلي.
چین ویلي چې غزه د فلسطینیانو ده، د فلسطین د خاورې نه بېلېدونکې برخه ده او له هر هغه اقدام چې د غزې د وګړو او د خاورې جوړښت د بدلولو لامل ګرځي باید په کلکه يې مخالفت وشي.
فو څونګ وویل، چین به له نړیوالې ټولنې سره په ګډه هڅه وکړي څوچې د غزې جګړه ودروي، د بشري ناورین ختم کړي، د ((دوو هیوادونو طرحه)) پلې کړي، تر څو د فلسطین مسئلې په بشپړه، عادلانه او دایمي توګه حل شي.
