په کاپیسا کې د ماین چاودنې درې ملکیان وژلي

د راپورونو له مخې نن سهار شاوخوا شپږ بجې د کاپیسا په تګاب ولسوالۍ کې د ملکي وګړو پر یوه موټر د ماین چاودنه شوې چې له امله یې درې کسه وژل شوي دي. د کاپیسا ولایت ځایي چارواکي وایي چې ماین د وسله والو طالبانو له لوري ځای پر ځای شو و. بلخوا د بلخ ولایت په حیرتان ښارګوټي کې هم د ماین چاودنې دوه ملکي وګړي ټپیان کړي دي. په دې وروستیو کې د ماینونو د چاودنې له امله د ملکي وګړو تلفات ډېر شوي چې د سولې له هڅو سره هممهاله ددغه ډول پېښو ډېرېدلو خلکو ته اندېښنې پیدا کړې دي.