مایکل کوګلمن: طالبانو د تاوتریخوالي په ډېرولو سره خپل اعتبار بایللی

د امریکا په ویډرو ویلسن انیستیتوت کې د جنوبي اسیا د مسایلو شنونکی مایکل کوګلمن وایي له امریکا سره د سولې هوکړې تر لاسلیک وروسته نړیوالو طالبانو ته یو ځانګړی اعتبار ورکړی و چې په وروستیو کې یې د جګړې په ډېرولو او بې مخینې تاوتریخوالي بېرته هغه اعتبار بایللی دی. دده په خبره طالبانو له امریکا سره هوکړه وکړه خو د افغان حکومت پر وړاندې جګړه کوي چې دې مسئلې نړیوالو ته ګڼې پوښتنې پیدا کړې دي. نوموړي له افغانستان د بهرنیو ځواکونو د وتلو په اړه هم ویلي، چې که جوبایډن واک ته رسېږي یا ټرمپ نو دوی به له افغانستان خپل سرتېري وباسي ځکه امریکایي وګړي نور په پردیو هېوادونو کې د جګړو غوښتونکي نه دي او ولسمشر به هم اړ وي چې د ولس غوښتنې ته درناوی وکړي.