غور کې چاودنه؛د مرګ ژوبلې شمېر ۱۰۶ تنو ته لوړ شوی دی

په غور ولایت کې د شوې چاودنې له امله ۱۰۶ کسانو ته مرګ ژوبله اوښتې ده. د غور ولایت روغتیایي چارواکو ویلي چې د دغه ولایت امنیه قومنداني ته څېرمه شوې ننۍ موټربم چاودنې ۱۶ کسان وژلي او ۹۰ نور یې ټپیان کړي دي. چارواکي وایي، د لومړنیو معلوماتو له مخې تر اوسه له یادې پېښې څخه لږ تر لږه ۱۰۶ مړي او ټپیان روغتون ته وروړل شوي چې ډېر هغه یې ملکیان دي. د غور ولایت مقام بیا ویلي چې د نن ورځې تر پایه به په دې اړه کره معلومات له رسنیو سره شریک کړي. تر اوسه د یادې پېښې پړه د طالبانو په ګډون هیڅ یوې وسله والې ډلې پر غاړه نه ده اخیستې.