د امریکا د ولسمشر ډونالډ ټرمپ د ملي امنیت پخواني سلاکار مکماسټر ویلي چې د افغانستان په اړه د ټرمپ سیاستونه ناسم دي او له طالب ډلې سره د نوموړي هوکړه له اروپایي هېوادونو سره د هیټلر هوکړې ته ورته ده. نوموړي په یوه خبري ناسته کې ویلي، د ټرمپ- طالبانو هوکړې د امریکا ملي امنیت له ګواښ سره مخ کړی او د امریکا حیثیت یې تر سوال لاندې راوستی دی. د نوموړي په وینا، د افغانستان په اړه د ټرمپ سیاستونه غیر عادلانه او ناسم دي چې د وخت په تېرېدو به یې بدې پایلې ټوله نړۍ وویني. امریکا او طالبانو څه موده وړاندې په دوحه کې یوه هوکړه لاسلیک کړه چې پر بنسټ به یې امریکایي ځواکونه له افغانستان څخه وځي، طالبان به له ترهګرو ډلو سره اړیکې پرې کوي او له دغه هېواد څخه به چا ته د ترهګریزو کړنو اجازه نه ورکوي.
