روغتیا وزارت:هېواد کې د کرونا ۱۴۱ نورې مثبتې پېښې ثبت شوې

روغتیا وزارت وایي چې په تېرو ۲۴ ساعتونو کې د هېواد په بیلابیلو ولایتونو کې د کرونا وبا ۴۶۸ نمونې څېړل شوې دي چې له ډلې یې د ۱۴۱ هغو پایله مثبته وه، له دې سره پر یادې ناروغۍ د اخته کسانو شمېر ۴۰ زره او ۵۱۰ ته رسېدلی دی. د یاد وزارت په خبره، په همدې موده کې پر کرونا اخته دوه تنه مړه شوي او ۳۴ نور بیا بېرته روغ شوي دي. د روغتیا وزارت د وروستیو معلوماتو له مخې، تر اوسه په هېواد کې له کرونا وبا د مړه شویو کسانو ټول شمېر یو زر او ۵۰۱ او د بېرته رغېدلیو هغه بیا ۳۳ زره او ۸۲۴ ته لوړ شوی دی.