یو شمېر روسي شرکتونو په افغانستان کې پانګونې ته چمتووالی ښودلی

د ریاست‌الوزراء اقتصادي مرستیال عبدالغني برادر د یوشمېر روسي شرکتونو له مسوولینو سره کتلي. په دې کتنه کې د روسي شرکتونو مسوولینو په افغانستان کې د نفت، جست، مسو او کرومایټ ډبرو د اکتشاف او استخراج، اوبو مدیریت، برېښنا تولید او تخنیکي ماشین الاتو د تولید په برخو کې پانګونې ته چمتووالی ښودلی او ویلي یې دي، چې د اړوندو ادارو له مسوولینو سره د ژر همغږۍ رامنځته کولو په موخه په کابل کې خپل دفتر پرانیزي. د ریاست‌الوزراء اقتصادي مرستیال په بېلابېلو برخو کې د روسي شرکتونو د پانګونې له لېوالتیا هرکلی کړی او د هر ډول همکارۍ ډاډ يې ورکړی.