امریکا هند ته:د افغانستان سوله مو په ګټه ده همکاري ورسره وکړئ

امریکا له هند غوښتي چې د افغانستان د سولې په پروسه کې هر اړخیزه همکاري وکړی. د امریکا د بهرنیو چارو وزیر مایک پمپیو په یوه سفر هند ته تللی و او هلته یې له خپل هندي سیال جي شنکر سره کتلي دي. دوی د نورو اړوندو نړیوالو مسایلو ترڅنګ د افغانستان پر سوله هم خبرې کړې دي. امریکا ویلي چې د افغانستان سوله د هند په ګټه ده او هندي لوری باید په دې برخه کې ډېره همکاري وکړي. جي شنکر بیا ویلي دوی د افغانانو په مشرۍ او مالکیت د سولې له خبرو ملاتړ کوي، دداسې خبرو په ملاتړ کې ولاړ دي چې هېڅ راز بهرنی فشار پکې نه وي او هر څه د افغانانو په خوښه مخ ته لاړ شي. نوموړي د ترهګرو ډلو د مرکزونو په اړه هم اندېښنه څرګنده کړې او امریکا ته یې ویلي چې دغه ډلې د ټولې سیمې لپاره خطرناکې دي او باید پر وړاندې یې مبارزه وشي. هند ډاډ ورکړی چې د یوه با ثباته او پرمختللي افغانستان غوښتونکي دي او د افغانانو په مالکیت د سولې له بهیر سره همکاري کوي.