امیرخان متقي له خپل ایراني سیال سره ټلیفوني خبرې کړې دي

د بهرنیو چارو وزیر امیرخان متقي د ایران د بهرنیو چارو له وزیر سیدعباس عراقچي سره ټلیفوني خبرې کړې دي. د بهرنیو چارو وزارت ویاند ضیا احمد تکل وایي، دغه اړیکه کې دواړه لورو د افغانستان او ایران ترمنځ د دوه اړخیزو اړیکو پر پراختیا او د سیمې پر وروستیو بدلونونو خبرې وکړې. متقي د همکاریو او سیمه‌ییزو ناستو جوړولو په برخه کې د ا.ا پر دریځ د ټینګار سره څرګنده کړه، چې د سیمه‌ییز ثبات ساتل او د همکاریو لا پیاوړتیا د افغانستان لپاره یوه مهم لومړیتوب دی. بل لور ته د ایران د بهرنیو چارو وزیر هم د سیمه‌ییزو همکاریو په برخه کې د دې هېواد وروستیو هڅو په تړاو د معلوماتو په وړاندې کولو سره د سیمې د هېوادونو ترمنځ د خبرو اترو پر دوام ټینګار کړی دی.