هېواد کې د کرونا وبا ۴۰ تازه پېښې ثبت شوې دي

عامې روغتیا وزارت وايي، چې په تېرو ۲۴ساعتونو کې د کرونا وبا ۴۰ نورې مثبتې پېښې ثبت شوې چې په دې سره په ټول هېواد کې پر کرونا ناروغۍ د اخته کسانو شمېر ۴۱ زره او ۹۷۵تنو ته ورسېد. روغتیا وزارت ویلي، چې په یاده موده کې له دې وبا څخه نه څوک مړه او نه هم روغ شوي دي. افغانستان کې د کرونا له امله د مړو شمېر ۱۵۵۴ او د رغېدلو کسانو شمېر ۳۴ زره او ۴۴۰ تنو ته رسېدلی دی. روغتیایي چارواکې وایي، کرونا ویروس لاهم جدي ګواښ ده او هېوادوال باید روغتیایي لارښوونو ته پام وکړي.