کابل کې د ۳ میلیونه ډالرو په لګښت سړه خونه جوړه شوه

د کابل د ده‌سبز ولسوالۍ په صنعتي پارک کې د ۳۰ میلیونه ډالرو په لګښت یوه سړه‌خونه جوړه او ګټې اخیستنې ته وسپارل شوه. د کرنې، اوبولګولو او مالدارۍ وزارت ویلي، دغه ستره سړه‌خونه چې پر ۶ جریبه ځمکه جوړه شوې د ۳ زره مټریک ټنه تازه مېوې د ساتلو ظرفیت لري. د کرنې، اوبولګولو او مالدارۍ وزارت مرستیال مولوي صدراعظم عثماني د دې سړې‌خونې د ګټې اخیستنې مراسمو کې له خصوصي سکټور غوښتي، چې په دې برخه کې لا زیاته پانګونه وکړي. ورته مهال، د کرنې او مالدارۍ خونې رییس ویلي چې روان کال په کابل کې ۱۱۰ کوچنۍ او لویې سړې‌خونې د جوړولو او یا بیارغولو وروسته ګټې اخیستنې ته سپارل شوې دي.