وال سټریټ ژورنال ورځپاڼه وایي، له افغانستان څخه به د امریکایي ځواکونو وتل د ایران او طالبانو په ګټه تمام شي. ورځپاڼه کاږي، له افغانستان څخه په بېړه د ځواکونو وتل د امریکا ګټې له ستر ګواښ سره مخ کولی شي. راپور کې راغلي، ولسمشر ټرمپ چې په سپینه ماڼۍ کې د پاتې کېدو لپاره یوازې دوه میاشتې وخت لري او هغه پرېکړه کړې ده چې ډېر ژر به خپل ځواکونه له افغانستان څخه وباسي. د ورځپاڼې په باور دا پرېکړه به نه یوازې د امریکا ګټې له ستر ګواښ سره مخ کړي بلکې ډېره ګټه به یې ایران او طالبانو ته ورسېږي. د یادونې ده چې د امریکا نوي سرپرست وزیر کریسټوفر میلر ویلي چې دوی باید هر څه ژر خپلې اوږدې جګړې پای ته ورسوي او له ټولو هېوادونو ځانګړې توګه افغانستان څخه خپل ځواکونه خپلو کورونو ته ستانه کړي.
