ناټو له عراق څخه خپل ټول ځواکونه و ایستل

ناټو سازمان ویلي، چې خپل ټول ځواکونه یې له عراقه ایستلي او اروپا ته یې لېږدولي دي. د نړۍوالو رسنیو د راپورونو له مخې؛ دغه پرېکړه د سیمې د وروستیو کړکېچونو ترڅنګ د مقاومت ډلو د بریدونو له زیاتېدو وروسته شوې ده. د «سرایا اولیاء الدم» په نوم د یوې ډلې پوځي ویاند ویلي، چې په تېرو شلو ورځو کې یې د بغداد هوایي ډګر ته نږدې د ویکتوریا اډې پر شاوخوا د ناټو پر ځواکونو پرله‌ پسې او دقیق بریدونه کړي دي. نوموړي ټینګار کړی، چې د همدې بریدونو د شدت له امله ناټو اړه شوې، چې خپل ځواکونه له عراقه وباسي.