تېر کال د هېواد له هوايي ډګرونو څه باندې ۱۲ زره الوتنې شوي

د ټرانسپورټ او هوايي چلند وزارت ویاند حکمت‌الله اصفي ويلي، چې تېر کال د هېواد له هوايي ډګرونو څه باندې ۱۲ زره الوتنې شوې دي. اصفي ویلي، په همدې موده کې شاوخوا ۱.۶میلیونه مسافر هم لېږدول شوي دي. نوموړي ویلي، چې تېر کال د هېواد د هوايي چلند برخې او په ځانګړې توګه د پرسونل د ظرفیت لوړونې ته ډېر پام شوی. د هغه په خبره، د کارګو او د الوتکو د چک او تخنیک برخو کې هم خدمات ښه شوي دي. د دغه وزارت په وینا، په تېر ۱۴۰۴ کال کې د سیستمونو د برېښنايي کېدو په برخو کې هم کار شوی او ډېری برخې پر پرمختللو ټېکنالوژیو سمبال شوي دي.