د چين مېډيا ګروپ سي جي ټي اين په انټرنېټ کې نړیوالو ته يوه نظرپوښتنه خپره کړې او له مخې يې، ۸۹ اعشاریه ۶ سلنه ګډونوال په دې اند دي، چې امريکا به له ايران سره د جنګي چارو له امله په نړيواله ټولنه کې لا نوره هم ګوښه شي.
د ياد جنګ په پيل کې، امريکا له يوې خوا د مذاکراتو لپاره چمتووالی نيولی، له بلې خوا يې پوځي عمليات هم تر سره کړي، څو پر ايران سخت فشار ولګوي. اوس امريکا غواړي چې له پخوانې طريقې څخه استفاده وکړي: له يوې خوا ايران ته د شخړې د پای ته رسولو پلان ورکړي، له بلې خوا يې په منځني ختیځ کې د سمندري ځواکونو زرګونه سرتيري ځای پر ځای کړي دي.
د نظرپوښتنې ۸۸ سلنه ګډونوالو د امريکا يادې کړنې غندلې او په خبره يې، د امريکا داسې کړنې پوځي ګواښ دی او د جنګي چارو د پای ته رسولو اساسي صداقت نه لري.
۹۴ اعشاريه ۲ سلنه ګډونوالو د منځني ختيځ د وضعيت د لا نور سختېدو په اړه اندېښنه هم څرګنده کړې ده.
