د روسيې ولسمشر ولاديمير پوتين د مې د ۱۹مې په شپه د چين د دولت رئيس شي جين پينګ په بلنې بېجينګ ته رسيدلی او له دغه هېواده يې رسمي ليدن پيل کړې ده.
دواړه مشران د دوبي د رسېدو په درشل کې يو ځل بيا په بېجينګ کې مخامخ لیدنه کړې او د چين او روسیې د اړيکو، د بېلا بېلو برخو د همکاريو او نړيوالو او سيمه ييزو چارو په اړه يې د نظريو تبادلې کړي او د دواړو هېوادونو د اړيکو د لاپياوړتيا ګډه لارښوونه يې کړې ده.
د چين او روسيې وګړي هيله لري، چې د مشرانو د ملاقات په رڼا کې به د دواړو هېوادونو اړيکې ژورې او پراختيا ومومي، خلکو ته به ګټې ورسوي او د نړۍ د ستراتيژيک ثبات او نړيوال عدالت د خونديتوب لپاره به زمينه برابره کړي.
د چين او روسيې ترمنځ اړيکې د تاريخ تر بلې هرې مودې ډېرې ښې شوې دي.
د دواړو هېوادونو د اړيکو د پرمختګ مسير دا په ډاګه کوي، چې د رئيس شي جين پينګ او ولسمشر ولاديمير پوتين ګډې لارښوونې په لوړې کچې د دواړو هېوادونو د اړيکو پراختيا ته مهم امتياز او بنسټيز تضمين برابر کړی دی.
ولسمشر پوتين له دغه سفر مخکې په ځانګړې وېډيويي وينا کې ويلي: (( يو بل هېواد ته نوبتي سفرونه او د روسيې او چين د مشرانو ملاقاتونه د دواړو هېوادونو د اړيکو د هراړخيز پرمختګ او د بالقوه ځواک د خوشي کولو لپاره مهم او ضروري ارزښت لري.))
د چين د نړيوالو چارو څېړنيز انستېتيوټ مشر لي ځه ګوه رسنيو ته ويلي، چين او روسيې د دواړو مشرانو د ستراتيژيکې لارښوونې په رڼا کې د نه انسلاک، نه مقابلې او د کومې درېيمې خوا پر ضد د نه دردېلو له اصولو سره سم دوه اړخيزو اړيکو ته وده ورکړې ده.
نوموړي د دواړو هېوادونو ترمنځ ثابتې، ګټې – ګټې او د اټکل وړ اړيکې د لويو هېوادونو ترمنځ د نوي ډول اړيکې او د نړۍ د لويو هېوادونو د تګ راتګ لپاره ګټور ماډل بللی دی.
رښتينې همکارۍ د چين او روسيې د اړيکو په ثبات او پرمختګ کې د داخلي خوځنده قوت رول لري.
د چين د داخلي مغولستان شوان يوان ګروپ له روسي لوري سره ۴۰ کلنه همکاري لري.
د دغه ګروپ مشر شوي شينګ فا رسنيو ته ويلي، چې د دواړو هېوادونو د اړيکو د پراختيا په رڼا کې د چين د شمال ختيځ د سمسورتيا او د روسيې د لرې ختيځ د انکشاف لپاره مهم فرصتونه رامځته شوي دي.
نوموړي ويلي، شرکت به یې له روسي لوري سره د ځيرکو تجهيزاتو د توليد او د کاني استخراج په برخو کې همکارۍ ژورې کړي او د دواړو هېوادونو د همکاريو د پياوړتيا لپاره به خدمتونه وکړي.
د روسيې د پريموريې ولايت مرکز ولاديووستوک ښار د روسيې د لرې ختيځ د سياسي، اقتصادي او کلتوري مرکز رول لري او له چين سره يې سوداګري د دغه ولايت د بهرنۍ سوداګرۍ په حجم کې ۷۰٪ نيسي.
د پريموريې ولايت د نړيوالو اقتصادي اړيکو څانګې مشر شيدولينک رسنيو ته ويلي، چې د ولاديووستوک په ازاد بندر او انکشافي سيمې کې د چين پانګونې د دغه ولايت په بهرنيو پانګونو کې ۴۵٪ نيسي او د ځايي خلکو لپاره يې نږدې ۳ زره دندې برابرې کړي دي.
د چين او روسيې د خلکو ترمنځ د کلتوري تبادلو مختلفو فعاليتونو د دواړو هېوادونو د نسلونو لپاره د دوستۍ کلک بنسټ برابر کړی دی. دواړو هېوادونو له ډېرو کلونو راهيسې د دولتونو د تبادلې، سيلانۍ، خبري رسنيو، سيمه ييز تګ راتګ، علمي او ټېکنالوژيک نوښت او سپورټ په برخو کې ډېر کلني فعاليتونه ترسره کړي دي.
د چين او روسيې د کلتوري کال په نوم فعاليت په ۲۰۲۵م کال کې په برياليتوب بشپړ او د چين او روسيې د ښوونيز کال فعاليتونه په روان کال کې پيل شوي دي.
د چين او روسيې د دوستۍ، ښولې او پرمختګ کمېټې د دواړو خواوو ښوونيزو شوراګانو په دې وروستيو کې په دواړو هېوادونو کې سروې ترسره کړې ده.
د سروې د ګډونوالو عمرونه له ۱۸ تر ۳۵ کاله پورې ښودل شوي او ۸۰ سلنو يې د چين او روسيې اړيکې ښې بللې دي.
چين او روسيه دواړه پر نړۍ اغېز لري او د نړۍ په ستراتيژيک ثبات د خونديتوب او د نړيوال مديريت د بشپړتيا په برخو کې د رغنده قوت رول لري.
د نړۍ اوسنی وضعيت له بدلونونو او ګډوډۍ سره مخ دی. چين او روسيې د مشرانو د لارښوونې په رڼا کې په نړيوال ډګر کې همغږي ساتلې او د لويو هېوادونو مسئوليت يې ادا کړی دی.
د روسيې د تاس خبري اژانس مرستيال مارټ ابولهاکين رسنيو ته ويلي، چې روسيې او چين د ملګرو ملتونو د امنيت شورا د دايمي غړو په توګه په اکثرو نړيوالو چارو کې ورته يا نږدې دريځونه لري او په ګډه يې د ملګرو ملتونو او برېکس په شمول څواړخيزو چوکاټونو کې همغږي او همکارۍ کړي او د اروپا او اسيا او حتی ټولې نړۍ د ثبات لپاره يې بنسټ جوړ کړی دی.
نوموړي ويلي، د دواړو مشرانو اوسنۍ ليدنې د څواړخيزم په برخه کې د اړيکو مهم ارزښت نړۍ ته ښودلی دی.