هلمند کې د ناچاودېدلې مرمۍ چاودنې دوه ماشومان وژلي

د هلمند ولایت په خانشین ولسوالي کې د ناچاودېدلې مرمۍ د چاودنې له امله دوه ماشومان وژل شوي او مور یې ټپي شوې ده. د یاد ولایت د امنیې قومندانۍ مسوولینو ویلي، ماشومانو له پخوانیو جګړو پاتې د توپ مرمۍ موندلې او کور ته یې وړې وه، چې وروسته په اور کې چاودلې ده. د سرچنیې د مالوماتو له مخې، وژل شوي ماشومان ۳ او ۱۰ کلن وو، او ټپي شوې مور یې د درملنې لپاره روغتون ته لېږدول شوې ده. افغانستان لا هم د ماینونو او ناچاودېدلو مهماتو له جدي ګواښ سره مخ دی، چې ماشومان یې تر ټولو ډېر قربانیان ګڼل کېږي.