کرکټ؛ هند په ټېسټ لوبه کې افغانستان ته ماتې ورکړه

د افغانستان کرکټ ملي لوبډله په ټېسټ سیالۍ کې د هند پر وړاندې له ماتې سره مخ شوه. د دواړو لوبډلو ترمنځ دا لوبه د جون په شپږمه پیل شوې وه او هند د پچې له ګټلو وروسته په لومړۍ پاڼۍ کې ۵۶۴ منډې جوړې کړې. افغان لوبډلې په لومړۍ پاڼۍ کې ۱۵۲ او په دویمه پاڼۍ کې ۱۱۲ منډې وکړې، خو د هند ټاکلی هدف یې پوره نه کړای شو. په پایله کې هند لوبډلې دغه ټېسټ لوبه د یوې پاڼۍ او ۳۰۰ منډو په توپیر وګټله. ټاکل شوې ده چې له دې لوبې وروسته د جون له ۱۳مې تر ۲۰مې پورې د افغانستان او هند ترمنځ درې نړیوالې یو ورځنۍ سیالۍ هم ترسره شي.