ټرمپ اردن کې د امریکايي سرتېرو په وژل کېدو خپګان ښودلی

د امریکا ولسمشر ډونالډ ټرمپ په اردن کې د دوو امریکايي سرتېرو وژل کېدل خواشینوونکې پېښه بللې او د هغوی له کورنیو سره یې خواخوږي څرګنده کړې ده. تر دې وړاندې د امریکا مرکزي قوماندانۍ (سېنټکام) ویلي وو چې د ایران د بریدونو له امله دوه امریکايي سرتېري وژل شوي، یو بل ورک او څو نور ټپیان شوي دي. فاکس نیوز هم راپور ورکړی چې د تېرې اونۍ په دغو بریدونو کې لږ تر لږه ۱۳ امریکايي پوځیان ټپیان شوي دي. د دغو بریدونو وروسته په سیمه کې د امنیتي وضعیت او د تاوتریخوالي د لا زیاتېدو په اړه اندېښنې هم ډېرې شوې دي.