رویټرز: امریکا د ایران جګړه کې د لرې واټن توغندیو لویه برخه له لاسه ورکړې

د امریکا پوځ د ایران سره د پنځه میاشتنۍ جګړې پر مهال د خپلو دقیقو او لرې واټن ویشتونکو توغندیو له زېرمو څخه لویه برخه کارولې ده. رویټرز خبري اژانس د دریو باخبره سرچینو له قوله راپور ورکړی چې دغه وضعیت د راتلونکو احتمالي شخړو پر مهال د امریکا د پوځي چمتووالي په اړه اندېښنې زیاتې کړې دي. د راپور له مخې، د امریکا له کارول شویو وسلو څخه ډېری یې د ځمکې له سطحې څخه د ځمکې پر لور ویشتونکې تاکتیکي توغندي او د دقیق برید توغندي دي. رویټرز ویلي چې امریکا د دغو توغندیو «نږدې ټوله» ذخیره مصرف کړې ده.