د جاپان په ناګاساکي ښار کې د اګست په ۹مې نېټې پر ناګاساکي د اټومي بم د غورځولو ۸۱مې کليزې د ياد مراسم ترسره شول.
د جاپان لومړۍ وزيرې تاکایچي ساناي په دغو مراسمو کې ګډون او وينا کړې او په خپلو خبرو کې يې د بې اټومي وسلو پر درېيو اصولو« نه لرل، نه جوړول، نه راوړل» څرګند دريځ نه دی څرګند کړی.
يادو مراسمو ته د تاکایچي سانای څرګندونې د هغې له پخوانۍ وينا سره يو شان وې، چې د اګست په ۶مې نېټې يې پر هيروشيما د اټومي بم د غورځولو د ۸۱مې کليزې د ياد مراسمو ته کړې وې.
نوموړې په پخوانۍ وينا کې يوازې دومره ويلي وو، چې (( جاپان اوسمهال پر درېيو غير اټومي اصولو ټينګار کوي)).
د هغې وينا د جاپان د پخوانيو لومړيو وزيرانو له ويناوو سره لږ توپير لري او تراوسه یې په ډاګه دا نه دي ويلي، چې هېواد به يې د يادو اصولو تطبيق ته دوام ورکړي.
