د ځمکنۍ کرې په شمالي قطب کې د چين او روسيې څلورمه ګډه علمي څېړنه د اګست په ۲۰مه نېټه د روسيې په ولاديوستوک ښار کې رسماً پيل شوه.
چيني او روسي سيانسپوهان به په شمالي قطب کې د چټک اقليمي بدلون په اړه د ارام سمندر د شمال لوېديځې برخې او ارکتيک سمندر ترمنځ يو لړ بنسټيزې علمي څېړنې وکړي.
د روسيې د علومو اکاډمۍ د لرې ختيځ څانګې د ارام سمندر څېړنيز مرکز سرپرست مشر يوري پاولويچ واسيلېنکو د يادې ګډې علمي څېړنې د پيل په مراسمو کې ويلي، چې دغه ګډه علمي څېړنه به د روسيې او چين د اړيکو له ټينګښت سره مرسته وکړي او په شمالي قطب او ارام سمندر سيمه کې به د دواړو خواوو همکارۍ زياتې کړي.
د چين د طبيعي سرچينو وزارت د سمندري چارو لومړي څېړنيز مرکز مشر وی ځه شيوان په يادو مراسمو کې ويلي، چې دغه ګډه علمي څېړنه به د ارام سمندر په شمال لوېديځه برخه او ارکتيک سمندر کې ترسره شي او له لارې به يې د سمندري قوه، د اقليمي بدلون د قواعدو او د سمندر ايکولوژيکي چاپېريال په اړه د انسانانو پېژندنې زياتې شي.
د چين او روسيې دغه علمي څېړنه به د چين د طبيعي سرچينو وزارت د سمندري چارو لومړي څېړنيز مرکز، د شاندونګ د سيانس او ټکنالوژۍ پوهنتون او د روسيې علومو اکاډمۍ د لرې ختيځ څانګې د ارام سمندر څېړنيز مرکز لخوا په ګډه ترسره شي، چې پکې د چين ۹ سيانسپوهان ګډون لري.
