هرمز تنګي کې؛ یوه تېل‌وړونکې بېړۍ په نامالوم توغندي لګېدلې

د بریتانیا د سمندري سوداګرۍ د عملیاتو ادارې (UKMTO) خبر ورکړی چې د هرمز تنګي په سیمه کې یوه تېل‌وړونکې بېړۍ د یوه نامالوم توغندي له لګېدو وروسته اور اخیستی دی.  د دغې ادارې په وینا، اور وروسته مهار شوی، د بېړۍ عملې ته زیان نه دی اوښتی او چاپېریال ته هم د زیان راپور نه دی ورکړل شوی. UKMTO وايي، پېښه تر څېړنې لاندې ده او سوداګریزو بېړیو ته یې سپارښتنه کړې چې په سیمه کې د تګ راتګ پر مهال احتیاط وکړي او هر ډول مشکوک فعالیت راپور کړي.