روسیې د امریکا په ولسمشرۍ ټاکنو کې د لاسوهنې ادعا په کلکه رد کړې ده او ویلي یې دي چې واشنګټن باید له بې ځایه تورونو لاس واخلي. د روسیې د بهرنیو چارو وزارت مرستیال سرګي ریابکوف ویلي، امریکا په ولسمشرۍ ټاکنو کې د روسیې د مداخلې په اړه هیڅ شواهد نه لري او که چېرته یې لري نو مهرباني دې وکړي وړاندې دې یې کړي. هغه ویلي چې امریکا په دې ډول څرګندونو سره عامه ذهنیتونه ګډوډوي او په همدې توګه غواړي پر روسیې خپل بې نتیجې فشارونه زیات کړي. د ویلو ده چې امریکا په دې وروستیو کې پر ایران او روسیې د ۲۰۲۰ میلادي کال ټاکنو کې د سایبري بریدونو تورونه پورې کړي دي.
