د عامې روغتیا وزارت سرپرست وحید مجروح وایي چې د کرونا د درېیمې څپې سره د مبارزې، ځانګړې توګه د کرونا ضد واکسین اخیستو لپاره ۳۲۰ میلیونه ډالر ځانګړي شوي دي. نوموړي زیاته کړې چې پر دې پیسو تر څلوېښت میلیون ډوزه واکسین اخیستل کېدای شي. هغه دغه راز زیاته کړې چې د اکسیجن د کمښت د له منځه وړلو لپاره ٤٥٠٠ بالونه اکسیجن له ایران څخه پېرودل شوي او ټاکل شوې ده چې ډېر ژر هېواد ته را ورسېږي، دغه راز ازبکستان هېواد د یو هوکړه لیک له مخې هره ورځ شاوخوا ٣٠٠ بالونه اکسیجن افغانستان ته رالېږي.
