افغان ځواکونو؛ درې ولسوالۍ بېرته له طالبانو څخه نیولې دي

دفاع وزارت ویلي چې افغان امنیتي ځواکونو په بېلو ولایتونو کې د یو لړ عملیاتو په ترڅ کې درې ولسوالۍ بېرته له وسله والو طالبانو څخه نیولې دي. د یاد وزارت په خبره، افغان ځواکونو نن په کندز کې د تصفیوي عملیاتو په ترڅ کې د دغه ولایت علي اباد ولسوالي بېرته له طالبانو څخه نیولې ده. دفاع وزارت دغه راز ویلي چې د بلخ ولایت بلخ او د بغلان دوشې ولسوالۍ هم بېرته د افغان ځواکونو لاس ته ورغلې دي. دفاع وزارت په ترسره شویو عملیاتو کې وسله والو طالبانو ته د درنې مرګ ژوبلې اړولو ادعا هم کړې ده. طالبانو تر اوسه په دې اړه څه نه دي ویلي.