المان ویلي چې دغه هېواد په افغانستان کې خپل هدف ته نه دی رسېدلی. د المان د پارلمان رییس اعتراف کړی دی چې المان په افغانستان کې ماتې خوړلې ده او هغه څه چې دوی غوښتل تر لاسه یې کړي پکې پاتې راغلي دي. نوموړي په افغانستان کې د المان د اهدافو په اړه ډېر جزیات نه دي ورکړي خو زیاته کړې یې ده چې دوی په دغه هېواد کې بې ځایه پانګونه کړې او د پردیو د غلطو محاسبو پر بنسټ یې په یوه بې مانا جګړه کې میلیاردونه ډالر لګولي او ځاني قربانۍ یې ورکړې دي. د یادونې ده چې تر المان مخکې یو شمېر نورو هېوادونو هم د امریکا په مشرۍ په افغان جګړه کې پر خپلو تېرو قربانیو افسوس خوړلی دی.
