لاوروف د م.م له مرستیال سره پر افغانستان خبرې کړې

د روسیې د بهرنیو چارو وزیر سرګي لاوروف د ملګرو ملتونو د عمومي منشي له مرستیال مارټین ګریفټس سره کتلي دي. روسي رسنیو د یاد هېواد د بهرنیو چارو وزارت د اعلامیې په حواله ویلي چې په دې لیدنه کې دواړو لوریو د افغانستان، سوریې او ایتوپیا په اړه هر اړخیزي خبرې کړې دي او دغو هېوادونو ته یې د ملګرو ملتونو د بشري مرستو پر عملي پیل خبرې اترې کړې دي. سرچینه کاږي چې دواړو لوریو دغه راز له اړمنو هېوادونو سره پر مرستو ټینګار کړی دی او زیاته کړې یې ده چې انساني مرستې باید د ملګرو ملتونو د عمومي مجمعې د انساني اصولو مطابق له کوم قید او شرط پرته ترسره شي.