د روسیې د بهرنیو چارو وزارت له افغانستان څخه روسیې ته د متوجه ګواښونو له کبله اندېښنه ښودلې ده. د روسیې د بهرنیو چارو وزارت ویاندې ماریا زخارووا وایي چې د نشه یي توکو او ترهګریزو بریدونو له پلوه لا هم له افغانستان څخه دغه هېواد ته ګواښونه متوجه دي او د طا لبانو د حاکمیت باوجود لا هم په دغو ګواښونو کې هېڅ کمی نه دی راغلی. روسیه همداراز په سیمه کې د پوځي اډو د جوړېدو لپاره د امریکا هڅې د بې ثباتۍ عامل بولي او وايي چې دا چاره ورته د منلو نه ده.
