مولوي حنفي: کلداره مه کاروئ راکړه ورکړه باید په افغانیو وي

د افغانستان ا.ا د رییس الوزرا مرستیال مولوي عبدالسلام حنفي ویلي چې له دې وروسته به په ټول هېواد کې راکړه ورکړه یوازې په افغانیو وي او هیڅوک حق نه لري چې له کلدراو استفاده وکړي. نوموړي نن په کابل کې یوې خبري ناستې ته په خبرو کې ټینګار کړی دی چې د ډالرو قاچاق کوونکي د ملي خاین په توګه پېژندل کېږي او ورسره به تر ټولو جدي قانوني چلند وشي. حنفي د خپلو خبرو پر دوام ویلي چې چینایي پانګوالو په ستره کچه مراجعه کړې ده او د افغانستان د کانونو په برخه کې یې د پانګونې ژمنه کړې چې د ده په خبره دا به د هېواد په اقتصادي برخه کې ستر رول ولري. حنفي هېوادوالو ته د وضعیت ښه کېدو ډاډ هم ورکړی دی او زیاته کړې یې ده چې ورو ورو به هر څه بېرته عادي حالت ته راوګرځي.