د افغانستان پر وړاندې روانه اقتصادي جګړه به میلیونونه افغانان زیانمن کړي. انټي ور نشریې په یوه مطلب کې ویلي، داسې ښکاري چې امریکا په قصدي توګه پر افغانستان اقتصادي بندیزونه وضع کړي او دا په تمامه مانا یوه اقتصادي جګړه ګڼل کېدلی شي.
سرچینه کاږي له دغه ډول فشارونو استفاده د ټولو نړیوالو قوانینو ضد عمل دی او امریکا ته په کار ده چې ژر د افغانستان کنګل شوې شتمني ازاده کړي.
انټي ور وایي په افغانستان کې میلیونونه وګړي همدا اوس له لوږې سره لاس او ګریوان دي، بیکاري ډېره شوې ده، د افغانۍ ارزښت راټيټ شوی دی، پانګې په وتو دي او ددې ټولو ستر لامل د امریکا اقتصادي بندیزونه دي او غواړي روانه بې باوري او اندېښمنوونکی وضعیت ادامه ولري.
