امریکا وايي که روسیه وغواړي په ۷۲ ساعتونو کې د اوکراین پلازمینه نیولی شي. د امریکايي پوځ لوی درستیز جنرال مارک مېلي د کانګریس یوې غونډې ته د خبرو پر مهال ویلي، چې روسیه پر اوکراین د برید لپاره تیاره ده او که وغواړي چې دغه هېواد له نظامي لارو ونیسي نو په ۷۲ ساعتونو کې به د اوکراین پلازمینه کېف د روسیې لاس ته ولوېږي.
هغه وایي ښايي په دې جګړه کې تر ۱۸ زره پورې اوکرایني او تر ۴ زره پورې روسي عسکر ووژل شي.
مېلي داسې مهال دغه څرګندونې کوي چې ډېری اروپايي هېوادونه او امریکا له سوله ییزو لارو د اوکراین د مسئلې حل غواړي دوی ټینګار کوي چې د اوکراین مسئله یوازې د خبرو له لارې د حل کېدو وړ ده او جګړه د هېچا په ګټه نه ده.
