امریکا افغانستان بشري ناورین ته راکاږي. د پاکستان لومړي وزیر عمران خان یو ځل بیا د افغانستان په اړه څرګندونې کړې دي. نوموړي ویلي چې افغانستان دمګړی له ناوړه اقتصادي وضعیت کړېږي چې اصلي لامل یې امریکا ده.
هغه ویلي امریکا باید د افغانستان تاریخ درک کړي او په خبره یې هر چا د افغانستان تاریخ درک کړی هغه له دې هېواد سره داسې ډول چلند نه کوي لکه امریکا چې وکړ. عمران خان وایي امریکا پوره هڅه کوي چې افغانستان بشري ناورین ته را کاږي او اقتصادي بندیزونه هم ددې فشارونو برخه ده.
عمران خان په وروستیو کې ځان د افغانانو له غمه ستړی بولي او په ټولو سفرونو کې هڅه کوي د افغانستان په اړه خبرې او څرګندونې ولري.
